شەڕی سودان کە ماوەی دوو ساڵە بەردەوامە، تا ئێستا ١٢ ملیۆن ئاوارەی لێکەوتۆتەوە و ٢٥ ملیۆن کەسیش بەدەست برسێتییەکی نالەبارەوە دەناڵێنن.

وەزارەتی تەندروستیی سودان کوژرانی١٠٠ کەس و برینداربوونی دەیان کەسی ڕاگەیاند لەوان ١٠ ستافی دەرمان و پزشکی لە شاری ئەلفاشێر لە دارفوری باکوور هەڵکەوتوو لە ڕۆژاوای سوودان، بەهۆی تۆپباران و بۆردومانی ئاسمانی کەمپی زەمزەم لە باشووری شارەکە لەلایەن گروپی چەکداری "هێزی پشتیوانی خێرا"وە. ڕێکخراوە فریاگوزارییەکان و نەتەوە یەکگرتووەکانیش ڕاپۆرتیان دا کە هێزەکانی پشتیوانیی خێرا تەواوی ئەندامانی تیمی پزشکیی کەمپی زەمزەمیان کوشتووە. ئەوە لە کاتێکدایە کە ئاوارەکانی کەمپی زەمزم بەهۆی هێرشەکانی هێزەکانی پشتیوانیی خێرا ڕووبەڕووی نەبوون و یان کەمبوونی کەلوپەلی گرینگ و پێداویستییە سەرەتاییەکانی ژیان دەبنەوە و ژیانی لەوێ بە کردەوە پەکی کەوتووە.