پێتەختی ئەیالەتی باکووری دارفور لە سوودان دوای 18 مانگ گەمارۆ سەرەنجام بە دەس هێزەکانی کاردانەوەی خێرا کەوت و 177 هەزار سودانی لە شارێکی سووتاو گەمارۆ دران .

 شاری فاشر پێتەختی ئەیالەتی دارفور لە باکووری  سودان  دوای 18 مانگ گەمارۆ  سەرئەنجام   کەوتە دەستی  هێزەکانی کاردانەوەی خێرا . بە کەوتنی ئەو  شارە سودان بە دوو بەش دابەشکرا ، ڕۆژهەڵاتی شارەکە کەوتە دەستی سوپا و ڕۆژئاواش کەوتە دەستی هێزەکانی  کاردانەوەی  خێرا . تێکهەڵچوونی چەکدارانە لە سوودان  لە 15 ئاڤریلی 2023  لە نێوان سوپادا بە سەرکردایەتیی عەبدولفەتاح بورهان و هێزەکانی پشتیوانیی خێرا بە سەرکردایەتی  " موحەمەد حەمدان دقلو" لە سەر دەسەڵات دەسپێبوو . لە ڕوژانی ڕابردوودا  و دوای گرتنی  شاری فاشر  لە ڕوژئاوای سوودان  لە لایەن هێزەکانی پشتیوانی خێرا ئەو هێزانە تاوانبار کران بە  قەڵاچۆ کردن و  بنپێکرانی   بەربڵاوی  مافی مرۆڤ دژی کەسانی مەدەنی  لەو شارەدا .