لە ئەنجامی هێرشی کەسانی چەکدار بۆ سەر بازاڕێک لە ئەیالەتی نیجێری وڵاتی نەیجیریا لانیکەم ٣٠ کەس کوژران.

"ڤاسیۆ ئەبیۆدۆن" وتەبێژی پۆلیسی نەجیریا ڕایگەیاندووە کە کەسانی چەکدار هێرشیان کردە سەر بازاڕی گوندی دێمۆ و ژوور و دوکانەکانیان سووتاند و خواردنەکانیان هەمو بە تاڵان برد و چەن کەسێکیشیان ڕفاند. هەوڵەکان بۆ ڕزگارکردنی ڕفێنراوەکان بەردەوامن. ئەم هێرشە چەند هەفتە دوای ئەوە ڕوویدا کە کەسانی چەکدار زیاتر لە ٣٠٠ خوێندکار و کارمەندی خوێندنگەیەکیان لە ئەیالەتێکی ناوەڕاستی نەیجیریا ڕفاند.