بە هۆی تەقینەوە لە چێشتخانەیەکی گەشتیاری لەبیجی لە پارێزگەی سەلاحەدین پێنج کەس کوژران .

بە پێی ڕاپۆرتی ئەلعالەم، وەزارەتی  ناوخۆی ئێراق ڕایگەیاند  لەم پەلامارە دا کە ڕۆژی سێ شەممە ئەنجام درا  سی و چوار کەسیش بریندار بوون  .

تیرۆریستانی داعش دوای  شکستی پەیتا پەیتا  لەبەرامبەر هێزەکانی ئێراقی لە ناوچە جۆربەجۆرەکانی ئەم وڵاتە، زۆرتر لە ڕابردوو  دەستیان داوەتە  تەقینەوەی لە گۆترە و لە هەوانتە و کوشتنی خەڵکی سیڤیل  لە شارە جۆربەجۆرەکانی ئێراق  .

هەرلەم حاڵەدا  قەتەری عوبەیدی،  فەرماندەیەکی سەربازی لە پارێزگەی ئەنبار لە وتووێژ لەگەڵ  کەناڵی سومەریە نیووزی ئێراق، وتی : ئەندامانی داعش  بەشێوەی  تاقمی لە عەنە  بەرەو شاری راوە لە 230 کیلومەتری  ڕۆژاوای رومادی هەڵاتوون  .

عوبەیدی وتیشی :  ئەم هەڵاتنەی تیرۆریستەکان  دوای شکستی  داعش لە ئۆپراسیۆنێکی سەربازیی بەربڵاو بۆ ئازاد کردنی شاری عەنە ئەنجام دەبێت  .

ئۆپراسیۆنی ئازاد کردنی شاری عەنە لە پارێزگەی ئەنباری ئێراق لە دەستی تاقمی تیرۆریستی داعش، سەرلەبەیانی ئەمڕۆ سێ شەممە بە بەشداری هێزی سوپا، پۆلیس، حەشدی شەعبی  و حەشدی  عەشائری  دەست پێکراوە  .