وتەبێژی حەشدی شەعبیی ئێراق ڕۆژی سێ شەممە پێداگری کرد ئێراق بە پشتیوانی خەڵکی ئەم وڵاتە و داکۆکییەکانی کۆماری ئیسلامیی ئێران بەسەر تاقمی تیرۆریستیی داعش دا سەرکەوت.

بەپێی ڕاپۆرتی هەواڵدەریی مێهر،  ئەحمەد ئەسەدی  لەوتووێژ لەگەڵ  کەناڵی تەلەفزیۆنیی  مەیادین بەڕاگەیاندنی ئەمەی  دەوڵەتی ئێراق لە ماوەی چەند ڕۆژی داهاتوودا  ، سەرکەوتنی کۆتایی بەسەر داعش  ڕادەگەیەنێ  وتی : ئەم ڕاگەیاندنە  بە مانای کۆتایی هاتنی کاری داعش  لە بوارەکانی ئاسایشی  نییە  .

وتەبێژی  حەشدی شەعبی ئێراق  وتیشی : سەرباری  داعش  تاقمە تیرۆریستییەکانی دیکەش  هەن کە لە دەرەوە  لەباری ماڵییەوە دابین دەکرێن.

ئەسەدی سەبارەت بە پێوەندیی عێراق لەگەڵ عەرەبستانیش  پێداگری کرد لەسەر ئەمەی بەشێکی زۆر لە گرفتەکان و ناکۆکییەکانی  حاشاهەڵنەگر، پێوەندییەکان لەگەڵ عەرەبستانی  تووشی  ئاڵۆزی  کردووە، وتیشی :   حەشدی شەعبیی ئێراق لە پێناوی دابین کردنی بەرژەوەندی نەتەوەیی و گشت داگری ئەم وڵاتە، خوازیاری دامەزرانی پێوەندییەکی باش لەگەڵ هەموو وڵاتانی دراوسێ لەوان عەرەبستانە  بەڵام لەوە دەترسێ  کە عەرەبستان و هەندێ وڵاتی ناوچە وەک ڕابردوو داکۆکی لە توندڕەوی بکەن  .

وتەبێژی حەشدی شەعبی ئێراق  ئاماژەشی کردە قەیرانی یەمەن و وتی  : گەلی ستەملێکراوی  یەمەن  تەنیا لەبەر ئەوەی داوای سەربەخۆیی دەکەن، لە خاک و خوێن دا  گەوزێندراون.

 عەرەبستان بە داکۆکیی ئەمریکا لە مارسی ساڵی 2015 ەوە  پەلاماری کردوەتەوە سەر یەمەن و هاوکات  ئەم وڵاتەی  لە زەوین و دەریا و ئاسمانەوە گەمارۆ داوە.

شەڕخوازییەکانی عەرەبستان  لە یەمەن  تائێستا  ، کوژرانی  هەزاران کەس و ئاوارە بوونی ملوێنان یەمەنی لێکەوتوەتەوە  .

یەمەن هەروەها لەبەر ئەم دەستدرێژکارییە بەرەوڕووی کەمبوونی توندی خۆراک و دەرمان و پەرەسەندنی نەخۆشی جۆربەجور بوەتەوە.

ئەحمەد ئەسەدی  هەروەها بە ڕاگەیاندنی  ئەمەی ئیدی نوێنەر و وتەبێژی  ڕەسمی حەشدی شەعبی نابێ، وتیشی : لە داهاتوودا دەبێتە وتەبێژی  هاوپەیمانیی خەباتکارانێک کە داگری  هێزی ئیماندار بەسەرکەوتن بەسەر تیرۆریزم و  توندڕەوین.