دۆزرانەوەی بەسەدان لۆری هەڵگری ماددەی تەقینەوە لەباکووری ئێراق
وەزارەتی ناوخۆی ئێراق باسی دەست نیشانکرانی زۆرتر لە چوارسەد لۆری هەڵگری ماددەی تەقەمەنی کرد لە بەشی ڕۆژئاوایی شاری مووسڵی باکووری وڵاتەکەی .
بەپێی ڕاپۆرتی ئەلعالەم بە گێڕانەوە لە سومەریە نیوز، سەعد مەعن وتەبێژی وەزارەتی ناوخۆی ئێراق بە دەرکردنی بەیاننامەیەک ڕایگەیاند : بەشی ئۆپراسیۆنی نائاسایی پۆلیسی پارێزگەی نەینەوا، شەوی دووشەممە دوای وەرگرتنی زانیاریگەلێک، ئەم لۆریانەیان لە ناوچەی حەی تەنک لە بەشی ڕۆژاوایی مووسڵ، دۆزییەوە و دەستی بەسەرداگرت .
هێزی سوپاو حەشدی شەعبی ئێراق دەیەمی ژووئییەی ساڵی 2017 باسی ئازاد کرانی تۆکمەوتەواوی مووسڵیان کرد و لەو کاتەوە تائێستا ئۆپراسیۆنی پاکتاو کردن و بەدواداگەڕانی بەربڵاوی پاشماوەی داعش لە ناوچە جۆربەجۆرەکانی ئێراق لەوان ئەم شارە درێژەی هەیە و لە ئەنجام دا تائێستا چەندین حەشارگەی تیرۆریستانی داعشی دۆزراوەتەوە .
بەپێی هەواڵێکی دیکە، عیماد زەهیری ، فەرماندەی ئۆپراسیۆنی سامەڕا ڕایگەیاند: هێزی ئاسایشی سەربە فەرماندەیی ئۆپراسیۆنی سامەڕا ف توانیان تاقمێکی تیرۆریستی سەربە تیرۆریستانی داعش بگرن.
