سەرۆکی کۆماری ئیسلامی ئێران گەیشتە بەغدا
ئادار 11, 2019 10:29 Asia/Tehran
سەرۆکی کۆماری ئیسلامیی ئێران لە سەرووی شاندێکی باڵای سیاسی و ئابورری دا ئەمڕۆ دوشەممە گەیشتە بەغدای پێتەختی عێراق .
بەپێی راپۆرتی ئیرنا ، حەسن روحانی سەرۆکی کۆماری ئیسلامیی ئێران لەسەر بانگێشتنی فەرمیی بەرهەم ساڵح و عادل عەبدولمەهدی سەرۆک وەزیرانی عێراق بۆ سەردانی فەرمیی سێ رۆژە گەیشتە پێتەختی عێراق .
پێشوازیی فەرمیی لە سەرۆکی کۆماری ئیسلامیی ئێران لە کۆشکی سەلامی سەرۆک کۆماریی عێراق لە لایەن بەرهەم ساڵح ئەنجام دەبێ .
بڕیارە لەم سەردانەدا چەندین رێککەوتنامەی تەبایی لە بواری جیاجیای ئابووری نێوان ئێران و عێراق ئیمزا بکرێ .
