کوژرانی حەوت تیرۆریستی داعش لە ڕۆژھەڵاتی عێراق
نیسان 23, 2020 02:04 Asia/Tehran
ھێزە چەکدارەکانی عێراق لە ھەڵمەتێکی ئاسایشتی دا لە پارێزگای دیالە حەوت تیرۆریستی داعشیان کوشت.
بە پێی ڕاپۆرتی ھەواڵدەریی فارس، لە ھەڵمەتی ئاسمانیی ڕۆژی چوارشەممەی سوپای عێراق لە نزیکی شاری خانەقین لە باکووری ڕۆژھەڵاتی پارێزگای دیالە، حەوت تیرۆریستی داعش کوژران و دوابەدوای ئەم ھەڵمەتە تیرۆریستێکی دیکەش قۆڵبەست کرا.
لە ھەڵمەتە ئاسمانییەکەدا حەشارگەی تیرۆریستانیش کرایە ئامانج.
جوڵەی تیرۆریستانی داعش لە ماوەی ڕۆژانی ئەم دواییە بە تایبەت پاش بڵاوبوونەوەی ڤایرۆسی کۆرۆنا لە عێراق، ھێزەکانی ئاسایشت و حەشدیی شەعبیی بۆ ھەڵمەتی ناس کردن و تەفروتونا کردنی شانەنووستووەکانی تیرۆریستان ھان داوە، بەجۆرێک کە ئەم ھێزانە بەشێوەی ڕۆژانە چەندین زنجیرە ئۆپراسیۆن بۆ لەنێوبردنی تیرۆریستان لە ناوچەکانی ڕۆژھەڵات و ڕۆژئاواو باکووری ئەم وڵاتە ئەنجام دەدەن.
