حەشدی شەعبی : داعش لە دیالە گەمارۆدراوە
May 09, 2020 16:54 Asia/Tehran
فەرماندەرێکی حەشدی شەعبی رایگەیاند تیرۆریستانی داعش لە چوار لاوە لە پارێزگەی دیالە گەمارۆدراون .
سادق حسێنی رۆژی شەممە لە دیمانەیەکدا لە گەڵ ھەواڵدەریی ئەلمەعلومە گوتی : تیپی حەشدی شەعبی جێگیر لە دیالە توانی ڕێگاکانی دابین بوونی کەلوپەل ، خۆراک و تەدارەکاتی شانەکانی داعش لە چوار ناوچەی گرنگ بخاتە گەمارۆ .
حسێنی وتیشی داعشیەکان کە لە ڕووبەڕووبونەوەی راستەوخۆ لە گەڵ ھێزە عێراقیەکان دەترسن ، زیاتر روودەکەنە تەقە و مین دانان و تەقاندنەوەی بۆمب .
بە قسەی ئەم فەرماندەرەی حەشدی شەعبی ، تیرۆریستان ھەوڵئەدەن بگەنە ناوچەی حەمرین چونکە ئەم شوێنە ، ناوچەیەکی ستراتژیک ی نزیک ڕێگای گرنگ و سەرەکەیی دیالەیە .
