وەزیری دەرەوەی ئێران و وەزیری دەرەوەی عێراق ئەمڕۆ یەکشەممە لە بەغدا دیدار و تووێژیان کرد .

محەمەد جەواد زەریف وەزیری دەرەوەی  ئێران و فواد حسێن لە دوو خولی وتووێژدا لە بارەی رەھەندە جیاجیاکانی پێوەندی دوو قۆڵی لەوان سیاسی ، ئابوری ، ئاسایشی و بابەتی دیکە بیرو ڕایان گۆڕیەوە . 

وەزیری دەرەوەی ئێران لە سەرووی شاندێکی باڵادا بۆ دیدار و وتووێژ لە گەڵ کاربەدەستانی عێراقی ئەمڕۆ گەیشتە بەغدا .

زەریف لە سەرەتای گەیشتنی بە بەغدا سەردانی شوێنی شەھیدبوونی سەردار سپەھبود قاسم سلێمانی و ئەبوومەھدی موھەندیس و ھاوڕێیانی ئەوانی کرد لە نزیک فڕۆکەخانەی بەغدا .