بەرھەم ساڵح: دەبێ کون و کەلەبەرەکانی گەڕانەوەی تیرۆریزم بۆ عێراق دابخرێن
سەرۆک کۆماری عێراق پێی داگرت: دەبێ ئەو کون و کەلەبەرانەی کە لەوانەیە ببێتە ڕێگایەک بۆ گەڕانەوەی تاقمۆکەکان و جم و جوڵی تیرۆریستی دابخرێن.
بە پێی ڕاپۆرتی ئیرنا، نووسینگەی دامەزراوەی سەرۆک کۆمارەتیی عێراق ڕۆژی پێنج شەممە لە بەیاننامەیەک دا ڕایگەیاند:ئەندامی لێژنەی ئاسایشت و بەرەڤانیی عێراق بە سەرۆکایەتیی : «موحەممەد ڕەزا ئالی حەیدەر» ئەمڕۆ لەگەڵ «بەرھەم ساڵح» سەرۆک کۆماری عێراق لە کۆشکی سەلام لە بەغدا دیداریان کردووە.
لە دیدارەکەدا دوایین گۆڕانکارییە ئاسایشتییەکان و ڕووداوە تیرۆریستییەکانی ئەم دواییە لە ھێندێک لە ناوچەکانی عێراق و پێویستیی ڕەچاو کردنی تەگبیری پێویست بۆ پاراستنی سەقام و ئاسایشتی شارومەندانی ئەم وڵاتە تاتوێ کرا.
بە پێی ئەم بەیاننامەیە، سەرۆک کۆماری عێراق ھەرئوەھا لە سەر خەمساردی نەنواندن لە خەباتی دژی تیرۆریزم و توندئاژۆیی و پێویستیی داخرانی ئەو کون و کەلەبەرانەی کە دەبنە ھۆی گەڕانەوەی تاقمۆکەکان و جم و جوڵی تیرۆریستییان دژی جەماوەری سڤیل و دروست بوونی گێرەوکێشەی ئەتنیکی دابخرێن.
