لە ساڵوەگەڕی دامەزرانی حەشدی شەعبی، مستەفا کازمی: حەشد شەعبی تیرۆریزمی تەکفیری تێکشکاند
حوزه‌یران 26, 2021 14:25 Asia/Tehran
سەرۆک وەزیرانی عێراق بە ئامادەبوون لە ڕێوڕەسمی نمایشی سەربازیی هێزەکانی حەشدی شەعبی بە بۆنەی حەوتەمین ساڵوەگەڕی دامەزراندنی ئەم گرووپە، وتی: ئێوە تیرۆریزمی تەکفیریتان تێکشکاند.
بە پێی ڕاپۆرتی ئاژانسی هەواڵی مێهر، مستەفا کازمی ئەمڕۆ شەمە لە ڕێوڕەسمی نمایشی سەربازیی هێزەکانی حەشدی شەعبی، وتی: حەشدی شەعبی ڕۆڵەی عێراقە بە ئەوانەوە عێراق پێگەی مێژوویی خۆی دەدۆزێتەوە.
جەختیشی کردەوە کە ئەمڕۆ ڕاسپاردەیی زۆر گەورە لە بەردەم هێزەکانی حەشدی شەعبی هەیە.
کازمی وتیشی: پێویستە سپاس و پێزانینی خۆمان ئاراستەی هێزەکانی حەشدی شەعبی بکەین بۆ گیانفیدایی و پاڵەوانێتیان .
ئایەتوڵڵا سیستانی بە فەتوای مێژوویی خۆیان لە ڕێککەوتی 13ی ژوئەنی 2014 فەرمانی دا بە دروست بوونی هێزێکی جەماوەری لە عێراق بۆ بەرەنگاریی داعش.
