تێکڕوخاندنی چەند بەشێک لە وێستگەی کارەبای بەسرە
ته‌مووز 05, 2021 09:49 Asia/Tehran
سەرچاوە میدیاییەکان باسی تێکڕوخاندنی چەند بەشێک لە وێستگەی دابینکردنی کارەبا لە باکووری شاری بەسرە دەکەن .
کەناڵی تەلەفزیونیی سکای نیوزی عەرەبی رۆژی دوشەمە بە بڵاوکردنەوەی ڤیدیۆیەک رایگەیاند ، بەشێکی زۆری نێو وێستگەی کارەبای بەسرە لە لایەن کەسانی نەناسراوەوە تێکڕووخاوە .
سەرچاوەیەکی ئاسایشییش باسی تەقینەوەی یەکێک لە هێڵەکانی گواستنەوەی کارەبا لە پارێزگای دیالەی رۆژهەڵاتی عێراق و برینداربوونی تاقمی پسپۆڕانی چاککردنەوە ی کرد .
لە هەمان کات دا تیپی 25 ی حەشدی شەعبی لە هەڵمەتێک دا هەوڵی گروپی تیرۆریستیی داعشی بۆ تەقاندنەوەی تاوەرەکانی کارەبا لە پارێزگەی نەینەوای پوچەڵکردەوە .
لە رۆژانی رابردووش دا پەلاماری هاوشێوە کراونەتە سەر وێستگەکانی دابینکردنی کارەبا و تاوەرەکانی گواستنەوەی کارەبا لە ناوچەکانی دیکەی عێراق.
