نوری مالیکی : دانوستان بۆ پێکھێنانی گەورەترین فراکسیۆنی پەرلەمان دەست پێ دەکەین
سەرۆکی ھاوپەیمانیی «دەوڵەتی یاسا»ی عێراق جەختی کرد: ئەم ھاوپەیمانییە دانوستانی خۆی بۆ پێکھێنانی گەورەترین فراکسیۆنی پەرلەمان دەست پێ دەکات.
بە پێی ڕاپۆرتی سەبەق پرێس، «نوری مالیکی» سەرۆکی ھاوپەیمانیی «دەوڵەتی یاسا»ی عێراق ڕۆژی سێ شەممە وتی: لەگەڵ کۆتلەکانی شێعەو سوننەو کورددا ھێندێک ڕێککەوتن بۆ پێکھێنانی فراکسیۆنی زۆرینە کراوە.
«عەممار حەکیم» ڕابەری ڕەوتی حیکمەتی نیشتیمانیش لە ھەژماری توییتێرەکەی دا ، نووسیویەتی: لە قوڵایی دڵەوە پیرۆزبایی لە پێکھاتەو تاقمە سەرکەوتووەکانی ھەڵبژاردنی پێشوەختەی پەرلەمانی عێراق دەکەین و لێیان دەخوازین شان بە شانی یەکتر بۆ خزمەت کردنی خەڵک ھەوڵ بدەن.
حەکیم ھیواداریی دەربڕی کە تەواوی پاڵێوراوانی سەرکەوتووی ھەڵبژاردنەکە بە ھەوڵدانیان لە ئاراستەی تێپەڕاندنی یاسایەک کە پێداویستییەکانی خەڵک و ئاوات و ئارەزووەکانیان وەدی بێنێ، بتوانن متمانەی خەڵک بە دەست بێنن.
