دیداری نوێنەری ڕێکخراوەی نەتەوەکان لەگەڵ بەرھەم ساڵح و ھادی عامری
نوێنەری ڕێکخراوەی نەتەوەکان بۆ کاروباری عێراق بە شێوەیەکی جیاجیا لەگەڵ سەرۆک کۆمار و سەرۆکی ھاوپەیمانیی فەتحی عێراق دیداری کردو سەبارەت بە ڕێگاکانی دەربازبوون لەم قەیرانە سیاسییەی ئێستای وڵات بیروڕای لەگەڵ دا گۆڕینەوە.
بە پێی ڕاپۆرتی بەغدا ئەلیەوم، بەرھەم ساڵح سەرۆک کۆماری عێراق و «جنین پلاسخارت» نوێنەری تایبەتیی سکرتێری گشتیی ڕێکخراوەی نەتەوەکان بۆ کاروباری عێراق لە دیدارەکەدا لە بەغدا جەختیان کردەوە لە سەر گرینگایەتیی دەربازبوون لە قەیرانی سیاسیی عێراق و بە ھەند گرتنی ئەو گرفتە گەورانەی کە عێراق توشیاری بووە.
«بەرھەم ساڵح» و «پلاسخارت» ھەروەھا خەباتی دژی تیرۆریزم و پاراستنی ئاسایشتی غێراقی بە پێویست زانی.
«ھادی عامری» ڕێبەری ھاوپەیمانیی «فەتح»ی عێراقیش لە دیدار لەگەڵ «جنین پبلسخارت» وتی: کۆتایی چەقبەستوویی سیاسی لە عێراق و پێکھاتنی دەوڵەتی تازە لەو پێویستییانەی ئێستای عێراقە.
وتیشی: چوارچێوەی ھەماھەنگی لایەنگری دەستپێشخەرییەکەی نوێنەرانی سەربەخۆیە، چونکو ڕوانگەکانیان لێک نزیکە.
