حەلبوسی داوای گەڕانەوەی سوریا بۆ جیهانی عەرەبی کرد
سەرۆکی پەرلەمانی عێراق داوای لە وڵاتانی عەرەبی کرد بڕیارێک بدەن بۆ ئەوەی سوریا بگەڕێتەوە بۆ جێ و شوێنی جارانی لەنێو وڵاتانی عەرەبی.
«محەمەد حەلبوسی» سەرۆکی پەرلەمانی عێراق ئەمڕۆ لە سەرەتای کۆنفرانسی یەکێتیی پەرلەمانە عەرەبییەکان لە بەغدا ڕایگەیاند: داوا لە وڵاتانی عەرەبی دەکەین بڕیارێک بدەن بۆ گەڕانەوەی سوریا بۆ شوێنی خۆی لەنێو ئەو وڵاتانەدا.
«حەلبوسی» لە بەشێکی بەیاننامەکەیدا دەستدرێژکاریی ڕژێمی زایۆنی لە دژی نەتەوەی فەلەستینی شەرمەزار کردو وتیشی: تەنگژەکانی ئێستا پێویستی بە هاوکاریی هاوبەش هەیە و ئەم دیدارە هەنگاوێکی گرنگە بۆ پتەوکردنی پەیوەندییەکانی نێوان وڵاتانی عەرەبی.
لە تشرینی دووەمی ساڵی ٢٠١١، کۆمکاری عەرەبی دوای سەرھەڵدانی شەڕی لە سوریا لە لایەن تیرۆریستانەوە، کە لە لایەن ڕژێمی زایۆنیستی و ڕۆژئاوا پاڵپشتیی دەکرا، بڕیاری ڕاگرتنی ئەندامێتی سوریای لەو یەکێتییە دا.
