فۆئاد حسێن: پەیوەندییەکی پتەو و درێژخایەنمان لەگەڵ ڕووسیا هەیە
May 19, 2023 15:10 Asia/Tehran
وەزیری دەرەوەی عێراق جەختی لەوەش کردەوە کە وڵاتەکەی پەیوەندییەکی بەهێز و درێژخایەن و بەهێزی لەگەڵ ڕووسیا هەیە.
بەگوێرەی ئاژانسی سپۆتنیک، فۆئاد حسێن، وەزیری دەرەوەی عێراق ڕۆژی (پێنجشەممە 18ی مای) لە وتارێکدا بە ئاماژەدان بە پەیوەندییە دێرینەکانی نێوان بەغدا و مۆسکۆ ڕایگەیاند، وڵاتەکەی پاڵپشتیی لە هەوڵی چارەسەرکردنی قەیرانی ئۆکرانیا دەکات.
فۆئاد حسێن وتیشی: بەڕێوەچوونی کۆبوونەوەی سەرۆکانی وڵاتانی عەرەبی لە جەددە ھاوکاتە لەگەڵ گرفتی زۆردا، بەتایبەتی قەیرانی سودان و دۆخی وڵاتانی دیکەی عەرەبی.
سەبارەت بە گەڕانەوەی سوریا بۆ کۆمکاری عەرەبیش، وەزیری دەرەوەی عێراق ڕایگەیاند: گەڕانەوەی سوریا بۆ کۆمکاری عەرەبی و بەشداریکردنی لە چالاکی و کۆنفرانسەکاندا گرنگە.
