كه‌م ئاوییه‌كی گه‌وره ڕووبه‌ڕووی عێراق ده‌بێته‌وه‌و هۆشداری دەدرێت
ته‌مووز 23, 2023 14:33 Asia/Tehran
وه‌زاره‌تی سه‌رچاوه‌كانی ئاوی عێراق كرانه‌وه‌ی ئاوی ڕووباری كارونی له‌لایه‌ن ئێرانه‌وه ڕاگه‌یاند و دەڵێت، به‌و هۆیه‌وه ڕێژه‌ی سوێری ئاوی به‌سره كه‌می كردووه.
بە گوێرەی راپۆڕتی ئاوێنە ، ته‌ها درع ڕاوێژكاری وه‌زاره‌تی سه‌رچاوه‌كانی ئاوی عێراق بە میدیاکانی راگەیاند، محەمەد سودانی سه‌رۆك وه‌زیرانی عێراق سه‌رجه‌م وه‌زاره‌ته‌كانی ڕاسپاردووه كه دۆسیه‌ی ئاو ببێته كاری له‌پێشینه‌یان له گفتوگۆكانیان له‌گه‌ڵ وڵاتانی دراوسێ.
ڕاوێژکاری وەزارەتی سەرچاوەکانی ئاوی عێراق دەڵێت: عێراق به‌ره‌و ڕووی كه‌مئاوییه‌كی گه‌وره ده‌بێته‌وه، ئه‌و بڕه ئاوه‌ی له به‌نداو و كۆگاكانی ئاودایه كه‌مترینه له مێژووی وه‌زاره‌ته‌كه‌دا.
ئاماژه‌ی به‌وه‌ش كرد، پێویسته هۆشیاری هاووڵاتی هه‌بێت له به‌كارهێنانی ئاو، به‌وپێیه‌ی عێراق له دۆخی كه‌مئاوییدا ده‌ژی.
