پێداگری سودانی و پزشکیان لەسەر پەرەی پەیوەندیی نێوان دوو وڵات
سەرۆک وەزیرانی عێراق لە پرێس کۆنفرانسێکی هاوبەش لەگەڵ "مەسعود پزشکیان" بەڕاگەیاندنی ئەوەی کە عێراق، ڕێگە بەهیچ لایەنێک نادا، هەڕەشەی واوەسنوریی بکا دژ بە ئێران ، لەسەر پەرەی پەیوەندیی نێوان تاران و بەغدا، پێی داگرت .
"محەممەد شیاع سودانی" ئەمڕۆ چوارشەممە پێی داگرت؛ عێراق ڕێگە بەهیچ لایەنێک نادا لە عێراقەوە، هێرش بکاتەسەر ئێران.
سەرۆک وەزیرانی عێراق وتیشی: ئێمە نەیاری پەرەی شەڕ و پێکدادان و پێشێلکرانی سەروەریی خاکی وڵاتەکانی ناوچەین. سودانی لە کۆنگرە هاوبەشە ڕۆژنامەوانییەکەی لەگەڵ مەسعود پزشکیان، سەرۆک کۆماری ئێران، وێڕای ئاماژە بەوەی کە "پەیوەندییەکانی ئێمە، پەیوەندییەکی مێژوویی، پتەو و بەهێزە"، وتی: "هاوبەشیی لەگەڵ تاران، بنەمای سەرەکیی ئارمانجەکانی خەڵکی عێراق و ئێرانە".
سودانی بەئاماژە بەوەی کە کەیسی هاوبەشی ئابوریی، دەروازەیەکی گرینگە بۆ گەیشتن بە داواکاریی خەڵکی دوو وڵاتی دراوسێ، وتی: "ئێمە لەبارەی هاوبەشیی ستراتژیکی بەرفراوان و چەندلایەنەو دوولایەنە وتووێژمان کرد."
سودانی هەروەها وتی: جەختمان لەوە کردەوە کە هەڵوێستی یاسای بنەڕەتیمان لەسەر ئەو بنەمایەیە کە ڕێگە نەدەین هیچ لایەنێک، لەخاکی وڵاتەکەمانەوە هەڕەشە لە کۆماری ئیسلامیی ئێران بکا. ناوبراو ڕوونیشی کردەوە، پەیوەندیی نێوان دەم و دەزگە ئاسایشییەکان بۆ کۆنترۆڵی سنورەکان وپێش گرتن بە قاچاخ کە زیان دەگەیێنێ بە ئاسایشی ناوخۆی دوو وڵات، بەردەوامە".
مەسعود پزشکیانیش لەو چاوپێکەوتنەدا، وێڕای ئاماژە بە قووڵیی پەیوەندیی نێوان دوو وڵات و کاریگەریی تایبەتی لەسەر سەقام لە ناوچەدا وتی: تاران، هۆگری کاری هاوبەش و پەرەی پەیوەندییە ئابورییەکانی نێوان دوو وڵاتی ئێران و عێڕاقە.
بەئامادەبوونی دوکتور مەسعود پزشکیان سەرۆکی کۆماری ئیسلامیی ئێران و محەممەد شیاع سودانی سەرۆک وەزیرانی عێراق، پاش نیوەڕۆی ئەمرۆ چوارشەممە ١٤ سەنەدی هاوکاری لەبوارەکانی فێرکاریی بۆ ڕاهێنانی کەسانی پسپۆر، وەرزش و گەنجان، ئاڵووێری فەرهەنگی و هونەری و شوێنەواری مێژوویی، پەروەردەو بارهێنان ، میدیاو پەیوەندییەکان، ناردنی کاروان و گرووپەکانی گەشتیاریی دینی، کشت وکاڵ و سامانە سروشتییەکان، پۆست، داکۆکی کۆمەڵایەتیی فێرکاریی هێزی تەکنیکی-ئەندازیاری، بەرزکردنەوەی ئاستی هێزی کاری لێهاتوو و سەرەنجام هاوکاریی نێوان ژوورە بازرگانییەکان، لەلایەن بەرپرسانی دوو وڵات واژۆ کرا.
