خەزعەلی: تورکیە هەزاران کەسی لە عێراق لە چوارچێوەی هێزی میلیشیا ڕێکخستووە
سکرتێری گشتیی عەسایبی ئەهلی حەقی عێراق زانیاریگەلی زۆر مەترسیداری لە جم و جوڵ و کردەوەکانی تورکیا لە ناوخۆی عێراقدا ئاشکرا کرد .
شێخ خەزعەلی، ئەمینداری گشتیی ، عەسائیب یئەهلی حەقی عێراق، ڕایگەیاند، تورکیا هەزاران چەکداری لە نەینەوا و کەرکوکەوە ڕێکخستووە و بە دابینی بودجە و بەڕێوەبەرایەتی بە تەواوی ئەو هێزگەلە مەشق و ڕاهێنانی پێکردووە، هەروەها تێکەڵیان کردووە بە هێزەکانی حەشدی شەعبی عێراق. ناوبراو ئاماژەی بەوەشکرد، تورکیا و دەزگا ئەمنی و هەواڵگرییەکانی ژمارەیەکی زۆر چەکداریان خستۆتە ناو هێزەکانی حەشدی شەعبی و لە نەینەوا ئەو هێزانە بەڕێوەدەبەن. شێخ قەیس خەزعەلی ئاماژەی بەوەشکرد، مەترسیدارترین شت ئەوەیە کە ئەو کەسانە تێکەڵ بە هێزەکانی د حەشدی شەعبی کراون و لە تیپی ٥٩ مووچەی فەرمی وەردەگرن، ئەمینداری گشتی عەسائیبی ئەهلی حەق عێراق داوای کرد لێکوڵینەوەیکی خێرا بکرێت بۆ بەدواداچوون بۆ ئەم بابەتە و ئاشکراکردنی ڕاستییەکانی ئەم دۆسیە هەستیارە.
