سودانی: یەکگرتوویی نیشتمانی کلیلی سەقامگیریی عێراقە
سەرۆک وەزیرانی عێراق جەختی لە پێویستی بە دی هاتنی داواکارییەکانی مەرجەعی باڵای شیعەکانی ئەو وڵاتە و ڕووبەڕووبوونەوەی دەستێوەردانی دەرەکی و پتەوکردنی یەکگرتوویی نیشتمانی کردەوە .
موحەمەد شیاع سوودانی لە کۆنفرانسی سەرانسەریی نیشتمانی عەشیرەتەکانی "بەنی حەجیم" لە بەغدا،جەختی لە سەر گرنگی ڕۆڵی عەشیرەتەکان لە پاراستنی ئاسایش و بەهێزکردنی داڕشتی کۆمەڵایەتی وڵاتی عێراق کردەوە و وتی: عەشیرەتەکانی عێراق بەردەوام ڕۆڵێکی سەرەکییان هەبووە لە پشتیوانیکردن لە ئاشتی کۆمەڵایەتی و وەڵامدانەوەی بانگەوازی مەرجەعیەتی باڵا، بەتایبەتی بۆ ڕووبەڕووبوونەوەی تیرۆر. سەرۆک وەزیرانی عێراق بەرپرسیارێتی گەیشتن بەو ئامانجانەی بە ئەرکی سەرجەم دامەزراوە حکومی و کۆمەڵایەتییەکان زانی. ئەلسودانی هەروەها ئاماژەی بەوەشکرد، هەندێک لە ڕەوتەکان هەوڵدەدەن وێنەیەکی لاواز لە عێراق نیشان بدەن، بەڵام خۆڕاگریی نەتەوە و هۆزەکانی ئەم وڵاتە لە بەرامبەر ئاستەنگەکاندا، شا یەتی توانای وڵاتەکەیە بۆ بەرگریکردن لە خۆی و پاراستنی دەسکەوتە نیشتمانییەکان.
