بەرنامەی رۆژی حەڤدەیەمی مۆندیال و میواندار لە تاقیکارییەکی دژوار
هەڵبژاردەی تۆپی پێی ڕووسیا دەبێ لە یاریەکی هەستیاردا لەگەڵ هەڵبژاردەی ئیسپانیا بکەوێتە ململانێ.
بەپێی ڕاپۆری هەواڵدەریی ئیسنا، لە ڕۆژی حەڤدەهەمی مۆندیال و لە قۆناخی هەشت یەکی ئەو ڕکابەرییانە دوو پێشبڕکێ بەڕێوە دەچێ کە بەم شێوەی خوارەوەیە:
کاتژمێر١٨:٣٠
ڕووسیا-ئیسپانیا، یاریگەی لۆژینکی
میوانداری مۆندیال بۆ ئەوەی هەروا لەو ڕکابەرییانەدا ئامادە بێ لەگەڵ هەڵبژاردەی ئیسپانیا دەکەوێتە ململانێ. تیمەکەی فێردیناندۆ هیێرۆ بە دەس خستنی پێنج ئیمتیاز لە سێ پێشبڕکێ کە ئەنجامی داوە ، ئەوەندە بەهێز دەرنەکەوت. دوو ئەنجامی یەکسان لەهەمبەر هەڵبژاردەی مەراکش و پورتوگال و سەرکەوتنێکی نزیک لەهەمبەر ئێراندا، بوارخۆشکەر بوو بۆ ئامادەبوونی لاروخا لەو قۆناخەدا. ڕووسیاش پاش بەدەس هێنانی دوو سەرکەوتن لەیارییەکانی سەرەتایی خۆیدا، بە هەڵبژاردەی ئۆرۆگوای دۆڕاند و وەک تیمی دووهەم گەیشتە ئەو قۆناخە.
کاتژمێر٢٢:٣٠
هەڵبژاردەکانی دانیمارک ، کرۆڤاسیا ، یاریگەی نیژنی
تیمی باشی زلاتکۆ دالیچ پاش دەس خستنی نۆ ئیمتیاز لەقۆناخی گرووپی ئێستا لەگەڵ دانیمارک دەکەوێتەململانێ. پشوودانی راکیتیچ لە قۆناخی پێشتردا لە خاڵە ئەرێنیەکانی داڕشتی کرۆڤاسیا دەبێ و دەبێتەهۆ هەتا ئەو یاریزانە بە ڕوحییەیەکی بەهێزتر هەمبەر بەدانیمارک یاری بکات. ئەو یارییە دەکرێ وەک ڕکابەریی نێوان کریستیەن ئێریکسۆن لە دانیمارک و لوکا مودریچ لە کرۆڤاسیا بزانرێ. دوو هافبەگ کە دەورێکی گرینگیان بوو لە هەڵکشانی تیمەکانیان بۆ ئەو قۆناخە. هەشت یاریزانی کرۆڤاسیا، کارتی زەردی وشداریی داوەریان پێدراوە و لەوانەیە بە وەرگرتنی کارتی زەرد لەو یارییە، قۆناخی دواتر لە کیس بدەن.
یەکێک لەو یاریزانانە ماریۆ مانژۆکەیچە ئەوە لەحاڵێکدایە کە تەنیا دێلاینی، سیسکۆ و یورگنسن لە دانیمارک ، یەک کارتی زەردیان لەکارنامەدا هەیە.
