پیرۆزبایی ئێران لە قەتەر بۆ پاڵەوانەتیی لە جامی گەلانی ئاسیا
شوبات 02, 2019 11:03 Asia/Tehran
وتەبێژی وەزاڕەتی دەرەوەی ئێران شەوی رابردوو لە پەیامێکدا پاڵەوانەتیی هەڵبژاردەی تۆپی پێی قەتەری لە حەڤدەهەمین دەورەی یاریەکانی جامی گەلانی ئاسیا لە حکومەت و گەلی ئەم وڵاتە پیرۆز کرد .
بەپێی راپۆرتی هەواڵدەریی رادیۆ تەلەفزیۆن ، بەهرام قاسمی لەم پەیامەدا وێڕای پیرۆزبایی کردن لە حکومەت و گەلی ئەم وڵاتە دراوسێیە و یاریزانان و راهێنەرانی لێوەشاوەی هەڵبژاردەی قەتەر ، بۆ ئەوان داوای سەرکەوتنی کرد .
هەڵبژاردەی تۆپی پێی قەتەر دوانیوەڕۆی هەینی لە یاری کۆتایی حەڤدەهەمین دەورەی یاریەکانی جامی گەلانی ئاسیا توانی بە ئەنجامی سێ بە یەک بەسەر ژاپۆندا سەرکەوێ و بۆ یەکەمجار ببێ بە پاڵەوانی ئەم یاریانە .
هەڤدەهەمین دەورەی جامی گەلانی ئاسیا بە ئامادەبوونی 24 تیم لەپێنجی ژانیڤەریەوە تا یەکی شوباتی 2019 بە میوانداری ئیمارات بەڕێوە چوو .
