لە پێشبڕکێکانی تێکواندۆی خانمانی ئێران لە تەورێز، پارێزگای ئەلبورز بوو بەپاڵەوان
ئاب 05, 2019 16:49 Asia/Tehran
پارێزگای ئەلبورز بوو بەپاڵەوانی پێشبڕکێکانی تێکواندۆی خانمانی ئێران کە لە تەورێز بەڕێوە دەچوو.
بەپێی راپۆری هەواڵدەریی مێهر، سەرلەئێوارەی رۆژی یەکشەممە تیمی تێکواندۆی خانمانی ئەلبورز بە دەس خستنی میدالیای زێڕ و سێ زیو پلەی پاڵەوانیی بیست و چوارەمین خولی پێشبڕکێکانی تێکواندۆی پاڵەوانیی ئێران لە تەمەنی گەورەساڵانی بەدەست هێنا.
ئەو خولەی پێشبڕکێکان لەکاتێکدا لە تەورێز کۆتایی پێهات کە تیمی مازەندەرانیش بە دەس خستنی دوو زێڕ، دوو زیو و بڕۆنزێک پلەی دووهەم و تیمی تارانیش بە زێڕێک و دوو بڕۆنز پلەی سێهەمیان بەخۆتەرخان دا.
بیست و چوارەمین خولی پێشبڕکێکانی تێکواندۆی پاڵەوانیی خانمانی ئێران لە تەورێز بەئامادەبوونی ٣٣٩ تێکواندۆکار لە بیست و نۆ تیمی جۆراوجۆری پارێزگاکان بەڕێوە چوو.
