درەوشانەوەی کاریکاتێریستی بۆکانی لە فستیڤاڵی پورتوگاڵ
سەرۆکی ئیدارەی ئیرشادی شاری بۆکان راگەیاند سپاسنامەی حەوتەمین دووساڵانەی ڕکابەریی کاریکاتێری پورتوگاڵ دراوە بە "مونیرە ئەحمەدی" هونەرمەندی کاریکاتێریستی بۆکانی .
بە پێی ڕاپۆرتی ئاژانسی هەواڵی مێهر، مەنسوور ئەحمەدی وێرای ڕاگەیاندنی ئەو هەواڵە وتی: حەوتەمین دووساڵانەی ڕکابەرییە نێونەتەوەییەکانی کاریکاتێری پەنلای ٢٠٢٠ی پورتوگاڵ بە مژاری تەندروستی بە بەشداریی ٤٨٠ هونەرمەند لە ٧٤ وڵاتی جیهانی لە لایەن مۆزەخانەی (oliveira guimaraes)ی ئەو وڵاتەوە بەڕێوەچوو.
ئەحمەدی بە ئاماژە بەوەی کە لەم خولە ڕکابەرییەکانی کاریکاتێری پورتوگاڵ هەزار و ٣٦٠ بەرهەم بەشدارییان نواندووە، وتیشی: مونیرە ئەحمەدی کاریکاتێریستی بۆکانی وێرای بردنەوەی ڕیزنامەی ئەو پێشبڕکێیە، توانیویەتی بە کاریکاتێرێک لەبارەی ژینگە بڕوانامەی بەشداری لە نێوان هەڵبژاردەکانی فێستیڤاڵی کارتۆنی بەرازیل مسۆگەر بکات.
