ھەڵکشانی یانەی پێرسپۆلیسی ئێران بۆ فیناڵی لیگی پاڵەوانانی ئاسیا
یانەی تۆپی پێی پێرسپۆلیسی ئێران بە شکستدانی یانەی ئەننەسری عەرەبستان لە لێدانی پێناڵتی دا بە فیناڵی لیگی پاڵەوانانی ئاسیا گەیشت .
یاری کۆتایی لیگی پاڵەوانانی ئاسیا لە ناوچەی رۆژاوای ئاسیا رۆژی شەممە لە نێوان پێرسپۆلیسی ئێران و یانەی ئەننەسری عەرەبستان دوای 120 خولەک و ئەنجامی یەکسان گەیشتە لێدانی پێناڵتی .
سەرەنجام پێرسپۆلیسی ئێران بە شکستدانی یانە عەبەستانیەکە لە لێدانی پێناڵتی دا بە فیناڵی لیگی پاڵەوانانی ئاسیا گەیشت .
ئەوە لە کاتێک دا بوو کە لە سەروبەندی ئەم یاریەدا ھەواڵی بێبەشکرانی عیسا ئالی کەسیر باشترین گۆڵلێدەری پێرسپولیس لەم یاریانەدا ، شۆکێکی گەورەی لە ئۆردوی ئەم یانەیەدا .
ئالی کەسیر کە لە سێ یاری ئەم بەینەی خۆێدا لە لیگی پاڵەوانانی ئاسیا چوار جار گۆڵی لێدابوو ، بە ھۆی شادمانی کردنی دوای گۆڵی یەکەم لە بەرامبەر پاختاکور رووبەڕووی بێبەشکرانی 6 مانگە لە چالاکیی فوتباڵی و سزای قورس لە لایەن کۆنفدراسێۆنی تۆپی پێی ئاسیا بووەوە .
یانەی پێرسپۆلیسی ئێران دوای ئەوەی کە گەیشتە سەرووی گروپیC لیگی پاڵەوانانی ئاسیا کە سەرتر لە التعاون ی عەرەبستان ، الدحیل ی قەتەر و شارجەی ئیمارات ، لە یەکەم یاری یەکلاکەرەوەدا لە یانەی پڕ ئەستێرەی السد ی بردەوە و لە یاری ئەم دواییانەی دا لە قۆناغی چارەکە کۆتایی یاریەکانی لیگی پاڵەوانانی ئاسیا لە ناوچەی رۆژاواش لە پاختاکوری ئۆزبەکستانی بردەوە .
