کۆمەڵە شێعری ئەمین گەردیگلانی چاپ کرا
کتێبی پاییز, "زستان بەڕێوەیە" کۆمەڵە شیعری شاعیری بۆکانی چاپ و بڵاو کرایەوە.
بە پێی هەواڵی ئاژانسی مێهر، ئەم کتێبە کۆمەڵێک لە شیعرەکانی ئەو شاعیرەیە کە لە ماوەی ٣٠ ساڵدا وتراوە و هەموو شیعرەکانی ئەو لەخۆ دەگرێت.
ئەم کتێبە ٥٧٠ لاپەڕەییە لە لایەن بڵاوگەی ئامیارەوە چاپ کراوە و هادی حەبیبی هەڵەچنی کردووە و ڕووبەرگەکەشی لە ئەستۆی موحسین مەحموودی بووە.
ئەمین گەردیگلانی ساڵی ١٣٤٩( 1970) لە ئاوایی گەردیگلانی بۆکان لە دایک بووە و گەرچی تەنیا تا پۆلی چواری سەرەتایی خوێندووە بەڵام لە تەنیشت کار و ئیشی بەرگدووریدا، قەڵەمی گرتۆتە دەست و زیاتر لە ٣٤ بەرهەمی ئەدەبی وەکوو شیعر و چیرۆک و وەرگێڕانی ڕۆمانی نووسەرە بەناوبانگەکانی جیهان وەکوو تۆلستۆی هەیە.
تاپۆی وەرزێکی سەوز، شەوەژانی ئەستێرەیەک و مەرگە خەون بەرهەمی شێعری ئەم شاعیرەن.
Characters: 115 ,Words: 18 ,Lines: 2
متن خبر
