SAHAR

گۆڤاری حەوتانەی قەندیل بە ھەردوو زمانی کوردی و فارسی بە نێوەرۆکی کۆمەڵایەتی و ئابووریی لەسەر ئاستی پارێزگای ئازەربایجانی رۆژاوا و بە تەوەری شاری پیرانشار وەک یەکەم حەوتەنامەی خوجێیی لەم شارە دەردەچێت .

لە ئاھەنگێک دا بە ئامادە بوونی ژمارێک لە بەرپرسانی فەرھەنگیی ئاستی پارێزگا و شاری پیرانشار ، گۆڤاری حەوتانەی دوو زمانەی قەندیل پەردەی لەسەر لادرا .

بە پێی راپۆرتی کوردپرێس ، عەبدوسەلام مەعروفی بەڕێوەبەری گۆڤاری حەوتانەی قەندیل لە ئاھەنگی روونوێنی لە حەوتەنامەی قەندیل گوتی : میدیاکان وەک کۆڵەکەی چوارەمی دیموکراسی کار دەکەن و لە راستی دا ئەگەر بەھا بە میدیاکان بدەیەن ، بەھامان بە کۆمەڵگا داوە .