میلاد محەمەدی یاریزانی تۆپی پێی کوردستانی لەسەر داوای کادێری تەکنیکیی وەرزشەکانی نابیسانی ئێران بۆ چوارەمین قۆناغی ئۆردووی ھەڵبژاردەی نیشتمانیی تۆپی لە تاران بانگێشت کرا .

بە پێی راپۆرتی ئیرنا چوارەمین قۆناغی ئۆردووی ھەڵبژاردەی تۆپی پێی نابیسانی وڵات بە مەبەستی خۆسازدان بۆ یاریەکانی پاڵەوانەتیی ئاسیا و پاڵاوتنی یاریەکانی ئۆلەمپیکی ھاوینەی نابیسانی 2021 لە رۆژانی 6 تا 16 ی مانگی خاکەلێوەی ساڵی داھاتوو بە ئامادەبوونی 23 وەرزشکار لە ژێر چاوەدێریی محەمەد حسێن زیایی راھێنەری ھەڵبژاردەی نیشتمانیی بە میوانداریی تاران بەڕێوەدەچێ.

پێشبڕکێکانی پاڵەوانەتی ئاسیا و پاڵاوتنی یاریەکانی ئۆلەمپیکی نابیسان 2021 ، مانگی جۆزەردانی داھاتوو لە وڵاتی مالزیا بەڕێوەدەچێ . 

میلاد محەمەدی یاریزانی نابیسی تۆپی پێ ، خەڵکی کامیارانە و تا ئێستا لە چەندین یاری نێودەوڵەتی دا ئامادە بووە  .