لێڤه‌رپول سه‌رکه‌وتنی به‌سه‌ر ئاڕسناڵ تۆمارکرد
له لوتکه‌ی خولی پرێمه‌ر لیگ و له میانی گه‌ری سیه‌مینی خوله‌که یانه‌ی لێڤه‌رپۆل له‌ده‌ره‌وه‌ی یاریگای خۆی سه‌رکه‌وتنی به‌سه‌ر یانه‌ی ئارسنال به‌ده‌ست هێناو به‌سێ گۆلی بێ به‌رامبه‌ر یاریه‌که‌ی لێ برده‌وه.
یارییه‌که له‌سه‌ر یاریگای ئیمارات به‌رێوه چوو ، له گێمی یه‌که‌م هیچ کام له یانه‌کان نه‌یان توانی تۆری گۆلی ئه‌وی تر بهه‌ژێنێ ، له گێمی دووه‌م و له خوله‌کی شه‌ست و چوار یاریزانی پورتوگالی دییگۆ گۆتا گۆلی یه‌که‌می بۆ لێڤه‌رپۆل تۆمار کرد .
دوای ته‌نها چوار خوله‌کی دیکه مه‌حه‌مه‌د سه‌لاحی میسری ده‌رفه‌تێکی قۆسته‌وه‌و گۆلی دووه‌می میوانه‌کانی تۆمار کرد ، هێرشه‌کانی لێڤه‌رپۆل به‌رده‌وامی هه‌بوو له خولوکی هه‌شتاو دوو دییگۆ گۆتا گه‌رایه‌وه‌و گۆلی دووه‌می خۆی و سێیه‌می یانه‌که‌ی تۆمار کرد که هاوکات گۆلی هه‌شته‌می خۆی بوو له‌م وه‌رزه‌ی خوله‌که تۆماری بکات .
به‌م سه‌رکه‌وتنه‌ش کۆی خاله‌کانی یانه‌ی لێڤه‌رپۆل له پله‌ی پێنجه‌می ریزبه‌ندی یانه‌کان بۆ چل و نۆ خال به‌رزبۆوه یانه‌ی ئارسنالیش درێژه‌ی به ئه‌نجامه خراپه‌کانی داو خاوه‌نی چلو دوو خاڵه و له پله‌ی نۆیه‌می ریزبه‌ندی دێت .
