بەرگی یەکەمی"شانامەی کوردی" بڵاو کرایەوە
نیسان 24, 2021 09:52 Asia/Tehran
کتێبی "شانامەی کوردی- بەرگی یەکەم" لە نووسراوی حەیدەر لوتفی نیا نووسەر و لێکۆڵەری سەقزی بڵاو کرایەوە.
بە پێی هەواڵی مێهر، شانامەی کوردی لە سێ بەرگدا نووسراوە کە بەرگی یەکەمی لە 472 لاپەڕە لە لایەن بڵاوگەی بیریاری سەقزەوە چاپ و بڵاو کراوەتەوە.
ئەم کتێبە داگری هەندێ داستان و چیرۆکی کوردییە کە نووسەری کتێبەکە 20 ساڵ بۆ کۆکردنەوەیان هەوڵی داوە و وێڕای کۆ کرنەوەی چیرۆکەکان لە ناو خەڵک و لە شوێنە جۆراوجۆرەکان، لە سەرچاوە و بەڵگە و کتێبە مێژووییەکان کەڵکی وەرگرتووە.
لوتفی نیا تا ئێستا چەندین بەرهەم دیکەی بڵاو کردۆتەوە کە لەوانە دەتوانین ئاماژە بکەین بۆ "چیرۆکە کوردییەکان"، "تیشکی دێرین"، "حەماسەکانی خەڵکی کورد"، "ئاوێنەی بێگەرد"، "دەسێ گوڵ و دەسێ نێرگز" .
