فیلمێکی ئێرانی بوو بە پاڵێوراوی باشترین فیلمی کۆڕەجێژنی «ڕیوەرساید»ی ئەمریکا
فیلمی سینەمایی ئێرانییب «گۆڕھەڵقەن» بوو بە پاڵێوراوی باشترین فیلمی کۆڕەجێژنی «ڕیوەرساید»ی ئەمریکا.
بە پێی ڕاپۆرتی ڕۆژی سێ شەممەی ئیرنا، فیلمی سینەمایی «گۆڕھەڵقەن» لە دەرھێنانی «کازم موللایی» بوو بە پاڵێوراوی باشترین فیلمی سینەمایی نۆزدەھەمین کۆڕەجێژنی نێونەتەوەیی «ڕیوەرساید»ی ئەمریکا.
کۆڕەجێژنی نێونەتەوەیی «ڕیوەرساید»ی ئەمریکا لە ساڵی ٢٠٠٢ەوە لە کەڵیفۆڕنیای ئەمریکا دەستی بەکار کردووە، ھەموو ساڵێک لە بەشەکانی بەرھەمی سینەمایی، کورتەفیلم، ئەنیمەیشێن، بەڵگەفیلم و خوێندکاری بەرپا دەکرێت و زیاترین چڕ بوونەوەشی لە سەر نمایشی بەرھەمی جۆربەجۆرو بە تایبەت کۆمەڵایەتییە.
نۆزدەھەمین کۆڕەجێژنی نێونەتەوەیی فیلیمی «ڕیوەرساید» ٢٧ی ئاپریل ھەتا یەکەمی مانگی مای بە بەرپا کردنی کارگەگەلی ڕاھێنان و کۆبوونەوەی پرسیارو وەڵامی ئۆنلاین لە «ڕیوەرساید»ی ویلایەتی کەڵیفۆڕنیا» بەرپا دەکرێت.
«گۆڕھەڵقەن» مانگی داھاتووش لە بەشی سەرەکیی بیست و سێھەمین کۆڕەجێژنی فیلیمی مریلەندی ئەمریکا نمایش دەکرێت.
ئەم کۆڕەجێژنە لە ١٩ ھەتا ٢٧ی مای لە سێ بەشی بەرھەمی سینەمایی و کورتەفیلیم و بە شێوەی ئاوێتەیەک لە بەشداریی ئۆنلاین و ئامادە لە شاری «باڵتیمۆر»ی ئەمریکا بەرپا دەکرێت.
