زۆرانی ئازادی کۆپی «زیلکۆقسکی»ی پۆڵۆنیاو دەرەنجامی چالاکییەکانی ئێران بە سێ میدالیای زێڕو زیوێک و بۆرۆنزێک
تیپی ھەڵبژاردەی زۆرانی ئازادی ئێران بە دەستخستنی سێ میدالیای زێڕو زیوێک و بۆرۆنزێک وەکو جێگری پاڵەوان کاری خۆی لە کێبەرکێکانی نێونەتەوەیی کۆپی «زیلکۆقسکی»ی پۆڵۆنیا کۆتایی پێ ھێنا.
بە پێی ڕاپۆرتی ئیرنا،کێبەرکێکانی نێونەتەوەیی زۆرانی ئازادی کۆپی «زیلکۆفسکی»ی پۆڵۆنیا کە وەکو دوایین قۆناغی سیستێمی «ڕەنکینگ»ی یەکێتیی جیھانیی زۆران بۆ ئۆلەمپیکی تۆکیۆو ھەروەھا «ڕەنکینگ»ی کێبەرکێکانی جیھانیی ٢٠٢١ی نەرویژ دێتە ئەژمار، ڕۆژانی ھەشتەم و نۆھەمی ژوئەن لە شاری «وەرشەو»ی پۆڵۆنیا بەڕێوە برا.
تیپی ئێران کە لە چوار کێش و بە ھەشت زۆرانبازو بەمەبەستی دیاری کردنی چارەنووسی ئەو وەرزشوانانەی وا لە کێشەکانی ٧٤و ٩٧و ١٢٥ کیلۆگرام دەبێ ڕەوانەی یارییەکانی ئۆلەمپیکی ٢٠٢١ی تۆکیۆ بکرێن، بەشداریی ئەم کێبەرکێیانەی کرد بوو، سەرەنجام بە ٣ میدالیای زۆڕی «مستەفا حسەین خانی»، « موحەممەد حسەین موحەممەدییان»،«ئەمیر حسەین زارع» لە کێشەکانی ٧٤و ٩٧و ١٢٥ کیلۆگرام و ھەروەھا زیوێک و برۆنزێکی «عەلی شەعبانی» و «عەلیڕەزا کەریمی» لە کێشی ٩٧ کیلۆگرام و دەستخستنی ٨٧ خاڵ پلەی دووھەمی دەست کەوت.
جێگای ئاماژە پێدانە کە تیپەکانی ئەمریکاو پۆڵۆنیاش بە ڕیز بوون بە یەکەم و سێھەمی ئەم یارییانە.
