فستیڤاڵی فیلمی شانگھای ناوی کوردستانی لە بەنێرەکانی ناساندنی فیلمێک سڕیەوە
حوزهیران 13, 2021 17:31 Asia/Tehran
فستیڤاڵی فیلمی شانگھای ناوی کوردستانی لە بەنێر و تابلۆکانی ناساندنی فیلمی جیران سڕیەوە .
بە پێی راپۆرتی کوردپرێس ، فستیڤاڵی فیلمی شانگھای کە درگاکانی لە رووی ھۆگرانی سینەما کردووەتەوە ، کارەکەی بەسانسۆڕکردنی ناوی کوردستان دەسپێکرد .
فیلمی دراوسێ کوردەکان ( جیران ) لە دەرھێنانی مانۆ خەلیل فیلمسازی کورد لەم فستیڤاڵەدا بەشداری کردبوو . لە کاتێک دا کە لە ماڵپەڕی تایبەت ، کوردستان / سویس وەک شوێنی فیلم ھەڵگرتن و دروستکردنی فیلمەکە ناسێندرابوو ، بەمحاڵەوە لە تابلۆکانی ناساندنی فیلمەکە ، ناوی کوردستان سڕابووەوە .
مانۆ خەلیل سینەماکاری کوردی خەڵکی قامشلوویە کە تا ئێستا چەندین خەڵاتی نێودەوڵەتیی فیلیمی بردووەتەوە .