«ئۆرۆگوا»و «شیلی» بە گۆڵێک هاوتا بوون و «ئەرژەنتین»یش بە گۆلێکی بێ بەرامبەر لە «پاراگوا»ی بردەوە.

لە درەنگانێکی شەوی رابردوو لە ڕکابەرییەکانی کۆمەڵەی یەکەم دو یاریی ئەنجامدرا، کە لە ئەنجام دا هەڵبژاردەی «ئۆرۆگوا» و «شیلی» بە گۆڵێک هاوتا بوون و «ئەرژەنتین»یش بە گۆلێکی بێ بەرامبەر لە «پاراگوا»ی بردەوە.

سەرەتا یارییەکەی «ئۆرۆگوا» و «شیلی» بەڕێوەچوو کە لە خولەکی ٢٦ دا «ئیدواردۆ ڤارگاس» گۆڵی پێشکەوتنی بۆ «شیلی» تۆمارکرد و لە خولەکی «٦٦»ی یارییەکەشدا «سورایێز» ئەنجامی یارییەکەی بۆ هەڵبژاردەکەی یەکسان کردەوە.

لە یارییەکی دیکەدا هەڵبژاردەی «ئەرژەنتین» بەرامبەر «پاراگوا» یاریی کرد و توانی بە گۆڵێکی بێ وەڵام کە «ئالیخاندرۆ گۆمێز» تۆماری کرد، سەرکەوتنێکی دیکە بەدەست بهێنن و هاوشانی «شیلی» خۆیان گەیاندە قۆناغی دوھەمی پاڵەوانێنتیەکە.