ته‌نیا کوردێک له یارییه‌کانى ئۆلۆمپیادى تۆکیۆ به‌شدار ده‌بێت
راهێنه‌رێکى کوردى هه‌ڵبژارده‌ى گۆره‌پان و مه‌یدانى عیراق ده‌بێته تاکه کورد به‌شدارى له یارییه‌کانى هاوینه‌ى ئۆلۆمپیادى تۆکیۆ بکات .
بە پێی ھەواڵێکی بەشی وەرزشیی پی یوو کەی میدیا ، کاروخ ساڵح ، راهێنه‌رى هه‌ڵبژارده‌ى گۆره‌پان و مه‌یدانى عیراق که راهێنه‌رى تایبه‌تى دانه حسێن راکه‌رى 200 مه‌ترى کچانى هه‌ڵبژارده‌که‌یه ته‌نیا کورده له ئۆلۆمپیاد به‌شدار ده‌بێت و وه‌ک ئه‌و راهێنه‌ره‌ش ئاماژه‌ى پێکرد ئاماده‌کارى ته‌واوى به یاریزانه‌که‌ى کردووه تاوه‌کو ئه‌نجامێکى به‌رچاوى له یارییه‌کان هه‌بێت .
کاروخ ساڵح ، له دایکبووى شارى هه‌ولێره‌و چه‌ندین ساڵ یاریزانى هه‌ڵبژارده‌ى عیراق بووه‌و دواتر بۆته راهێنه‌ری هه‌ڵبژارده‌ى عیراق و چه‌ندین یاریزان له‌سه‌ر ده‌ستى ئه‌و راهێنه‌ره به‌شداره پاڵه‌وانێتییه کیشوه‌رییه‌کانیان کردووه .
له مانگى رابردووش له‌سه‌ر ده‌ستى ئه‌و راهێنه‌ره دانه حسێنى راکه‌رى عیراقى توانى له راکردنى 100 مه‌ترو 200 مه‌ترى پاڵه‌وانێتیی عه‌ره‌ب پله‌ى یه‌که‌م و گه‌یشتن به یارییه‌کانى ئۆلۆمپیادى هاوینه مسۆگه‌ر بکات که 23ـى ئه‌م مانگه له وڵاتى ژاپۆن ده‌ستپێده‌کات.
