خانمە یاریزانی کوردستانی بانگهێشتی هەڵبژاردەی تۆپی پێی گەنجان کرا
ته‌مووز 19, 2021 13:55 Asia/Tehran
بەرپرسی گشتی وەرزش و لاوانی کوردستان باسی بانگهێشتی خانمە یاریزانی تۆپی پێی کوردستان بۆ ئۆردووی هەڵبژاردەی نەتەوەیی گەنجان هەواڵی دا.
بە ڕاپۆرتی ئاژانسی هەواڵی مێهر، حامد جەولایی ڕایگەیاند: دووهەمین قۆناغی ئوردووی هەڵبژاردەی نەتەوەیی تۆپی پێ ئاستی تەمەنی گەنجانی وڵات لە ڕۆژی 28ی پووشپەڕەوە لە ناوەندی تۆپی پێی تاران بەڕێوە دەچێت.
ناوبراو گوتیشی: فاتمە خدوومی خانمه یاریزانی کوردستان بە بانگهێشتی کادیری تەکنیکی بۆ ئەم قۆناغە لە ئوردووی هەڵبژاردەی نەتەوەیی گەنجانی ئێران بانگهێشت کراوە.
جەولایی وتیشی: ئەم قۆناغە لە ئۆردووی هەڵبژاردەی نەتەوەیی تۆپی پێی خانمان بە ئامادە بوونی 30 وەرزشوان تا سێی گەلاوێژ درێژەی دەبێت.
