یارییەکانی ئۆلەمپیک،،، سەرکەوتنی ھێزمەندانەی برازیل بە سەر ئاڵمانیادا
تیپی تۆپی پێی برازیل لە یەکەم ڕۆژ لە کێبەرکێکانی تۆپی پێی ئۆلەمپیکی تۆکیۆ بەوپەڕی ھێزەوە لە بەربەستی ئاڵمانیا پەڕییەوە.
بە پێی ڕاپۆرتی ئیرنا، لە گرینگترین یاریی ڕۆژی یەکەمی تۆپی پێی ئۆلەمپیک، تیپە نیشتیمانییەکانی ئاڵمانیاو برازیل ڕووبەڕوی یەکتر بوونەوە کە ئەم یارییە بە دەرەنجامی ٤ بە ٢ بە قازانجی دریس ئاڵتونییەکانی ئەمریکای باشووری کۆتایی پێ ھات.
لە ململانێکانی دیکەی ڕۆژی یەکەمی یارییەکانی ئۆلەمپیک ، میسرو ئیسپانیا بە یەکسانی گۆڕەپانی یارییەکەیان بەجێ ھێڵا، نیوزیلەند بە گۆڵێک کۆزیا باشووریی وەلا نا، مەکسیک ٤ بە یەک بە سەر فەرەنسادا سەرکەوت ، ساحیلی عاجیش لە عەرەبستانی بردەوە.
لە درێژەی یارییەکاندا ئەرژەنتین بە دوو گۆڵ یارییەکەی بە ئیسپانیا دۆڕاند، ژاپۆن بە تاقەگۆڵێک بازی دا بە سەر ئەفریقیای باشووری دا و ڕۆمانیش ھەر وەھا دەرەنجامێکی بە سەر ھیندوڕاس دا سەپاند.
