ئۆلەمپیک ،،، ئێران بۆ پلەی دەھەمی ڕیزبەندیی جیھانیی باڵە ھەڵکشا
ته‌مووز 27, 2021 10:11 Asia/Tehran
تیپی نیشتیمانیی باڵەی ئێران دوای مسۆگەر کردنی دووھەمین سەرکەوتنی خۆی لە یارییەکانی ئۆلەمپیکی ٢٠٢٠ی تۆکیۆ بۆ پلەی دەھەمی ڕیزبەندیی جیھانیی باڵە ھەڵکشا.
بە پێی ڕاپۆرتی ئیرنا، تیپی نیشتیمانیی باڵەی ئێران یارییەکانی ئۆلەمپیکی بە دوو سەرکەوتن بەسەر پۆڵۆنیاو ڤەنرۆئیلا دەست پێ کردووە. سەرکەوتن بە سەر ڤەنزۆئیلا چوار خاڵی لە ڕیزبەندیی جیھانی دا بۆ ئێران مسۆگەر کرد.
ئێران لە ئێستادا بە ٢٦٥ خاڵ پلەیەکی دیکە لەم ڕیزبەندییەدا ھەڵکشاوەو لە سەکۆی دەھەمی جیھاندا وەستاوە. شاگردەکانی «ڤلادیمیر ئالێکنۆ» لە ئاستی ئاسیاش دا ھەر باشترین جێ و شوێنیان ھەیە.
لەم ڕیزبەندییەدا برازیل ، پۆڵۆنیا و ڕووسیا یەکەم ھەتا سێھەمیان بە خۆیان تەرخان داوە.
