لاوانی زۆرانبازی ئێرانی لە کێبەرکێکانی ڕووسیا توانییان شانازییەکی گەورە بۆ وڵاتەکەیان بەدەست بھێنن و پلەی پاڵەوانەتیی جیھانیان بە خۆیان تەرخان دا.

بە پێی ڕاپۆرتی ئیرنا، تیپی زۆرانی ئازادی لاوانی ئێران بە دەستخستنی ٥ زێڕ، زیوێک و برۆنزێک پاڵەوانەتیی جیھانی مسۆگەر کرد.

کێی بەرکێی زۆرانی ئازادی پاڵەوانەتیی جیھانی ڕۆژی دووشەممە لە شاری «ئوفا»ی ڕووسیا دەستی پێکراو لە کۆتایی دا تیپەکەی ئێران بە دەستخستنی پێنج میدالیای زێڕ، زیوێک و میدالیایەکی برۆنز و مسۆگەر کردنی ١٧٨ خاڵ ھێزمەندانە بوو بە پاڵەوانی جیھان.

دوای ئێران، ڕووسیاو ئەمریکاش ھەریەکە بە ١٤٢ خاڵ و ١٢٩ خاڵ پلەی دووھەم سێھەمیان لەم کێبەرکێیانەدا بەدەست ھێنا.