میدالیاھاوەرانی ئۆلەمپیک و پارا ئۆلەمپیک لەگەڵ ڕابەری مەزنی شۆڕشی ئیسلامی دیدار دەکەن
وەزیری وەرزش و لاوان باسی دیداری میدالیاھاوەرانی ئۆلەمپیک و پارا ئۆلەمپیکی کرد لەگەڵ ڕابەری مەزنی شۆڕشی ئیسلامی دا.
بە پێی ڕاپۆرتی ئیرنا، «سەیید حەمید سەججادی» وەزیری وەرزش و لاوانی ئێران ڕۆژی چوارشەممە لە ئاھەنگی کردنەوەی کەمپی تیپەکانی نیشتیمانیی زۆران باسی دیداری میدالیاھاوەرانی ئۆلەمپیک و پارا ئۆلەمپیکی کرد لەگەڵ ڕابەری مەزنی شۆڕشی ئیسلامی دا.
کەمپی تیپەکانی نیشتیمانیی زۆران ڕۆژی چوارشەممە بە ناوی «سپەھبۆدی شەھید حاج قاسم سولەیمانی» بە ئامادە بوونی وەزیری وەرزش و لاوان گەییشتە قۆناغی بەکارھێنان.
لە ئاھەنگەکەدا بێجگە لە «سەیید حەمید سەججادی» وەزیری وەرزش و لاوانی ئێران،« مەهدی عەلی‌نەژاد» یاریدەری وەرزشی پاڵەوانی و «عبدولحەمید ئەحمەد» یاریدەری ڕۆشنبیریی وەزیری وەرزش، «سەیید شەمسەدین حسەینی» وەزیری پێشووی ئابووری و دارایی، پاڵەوانان، پێشەنگان، ڕاھێنەران و زۆرانبازانی تیپەکانی نیشتیمانیی زۆرانی ئازادو فەرەنگی و «عەلیڕەزا دەبیر» سەرۆکی فیدراسیۆنیش ئامادە بوون.
