ئەستێرەیەکی تۆپی پێی ئێران_ وەرزشوانی ھەڵکەوتووی داھاتووی ئاسیا
کۆنفیدراسیۆنی تۆپی پێی ئاسیا، یاریزانێکی تیپی نیشتیمانیی ئێرانی وەک ئەستێرەیەکی داھاتووی پۆپی پێی ئاسیا ناساند.
بە پێی ڕاپۆرتی ھەواڵدەریی «خەبەر ئۆنلاین»، توییتێری فەرمیی کۆپی گەلانی ئاسیا بە بڵاو کردنەوەی گرتەیەکی کورتی کردەوەی درەوشاوەی «ئۆمێد نورئەفکەن» یاریزانی تیپی نیشتیمانیی ئێران، وەکو ئەستێرەیەکی پرشنگداری داھاتووی ئاسیا ناساندنی.
«AFC » بە ناوی ئەستێرەکانی داھاتوو خەریکی ناساندنی یاریزانانی لاوو داھاتووداری پێکھاتەی تیپە نیشتیمانییەکانی ئاسیایە.
«AFC » لە بارەی «نورئەفکەن»ەوە نووسیویەتی: ئەم یاریزانە ٢٤ ساڵەیەی ئێران بەھرەو تواناییەکانی خۆی لە یارییەکەی ڕۆژی سێ شەممە لە بەرامبەر عێراق دا دەرخست و ڕۆڵێکی کارای لە سەرکەوتنی تیپەکەی دا ھەبوو.
تیپی نیشتیمانیی تۆپی پێی ئێران توانی تیپی نیشتیمانیی عێراق بە دەرەنجامی سێ بە سیفر وەپشت سەر بنێت و بە ٦ خاڵەوە وەک سەرپەڕی گروپی یەکەم بمێنێتەوە.
