پیشانگایەکی وێنەو پۆستەری شەھیدان لە شارستانی سەرسنووریی سەردەشت بەرپا کرا
پیشانگایەکی وێنەو پۆستەری شەھیدانی شۆڕش و ھەشت ساڵ بەرەڤانیی پیرۆز بە مەبەستی ڕێزنان لە خەبات و لەخۆبردوویی خەباتکارانی سەردەمی بەرەڤانیی پیرۆز لە شارستانی سەرسنووریی سەردەشت بەرپا کرا.
سەرۆکی فەرمانگەی بونیادی شەھیدو کاروباری لەخۆبردووانی سەردەشت، ڕۆژی پقنج شەممە لە پەراوێزی کرانەوەی ئەم پیشانگایە ڕایگەیاند: پیشانگای وێنەو پۆستەری شەھیدان لەژێر ناوی « سەربازانی ھێڵی پێشەوە» لە کۆبینای فەرھەنگی و ھونەریی ئەم شارەو بە بۆنەی ڕێزگرتن لە حەوتەی بەرەڤانیی پیرۆز بەرپا کراوە.
«ئەحمەد بێوەرانی» وتیشی: لەم پیشانگایەدا کە بە ھاوکاریی بەسیجی سپای پاسدارانی سەردەشت بەرپا کراوە، زیاتر لە ٥٠٠ وێنەو پۆستەری شەھیدانی مەزنی ئەم شارستانە ھاوڕێ لەگەڵ ژیاننامەکانیان خراوەتە بەر دیدی ھۆگران.
وتیشی: ئەم پیشانگایە بە مەبەستی ناسیاری پەیداکردنی بەرەی لاو لەگەڵ شەھیدانی مەزنی شارەکەیان و ژیاننامەیان و ھەروەھا مەعاریفی شەھیدان و برەو پێدانی کلتووری لە خۆبردوویی و شەھادەت بەرپا کراوە.
