SAHAR

له‌ یاری لوتکه‌ی گه‌ڕی سێزده‌هه‌مینی خولی یانه‌کانی ئیتالیا هه‌ردوو یانه‌ی ڤیۆرنتیناو ئه‌ی سی میلان روبه‌روی یه‌کتری بوونه‌وه‌.یارییه‌که‌ له‌سه‌ر یاریگای ئارتیمۆ فرانکی له‌ فلۆرنسا به‌رێوه‌ چوو ، له‌ خوله‌کی پازده‌ ئه‌لفرێد دۆنکان خاوه‌ن یاریگای به‌ گۆلێک پێشخست ، به‌ر له‌ته‌واو بوونی گێمی یه‌که‌م به‌چه‌ند چرکه‌یه‌ک ریکاردۆ سابۆنارا به‌لێدانی جوان گۆلی دووه‌می بۆ ڤیۆرنتینا تۆمار کرد.

له‌ گێمی دووه‌میش خاوه‌ن مال باشتر ده‌رکه‌وتن و له‌ خوله‌کی شه‌ست دۆشان فلاهۆڤیتش گۆلی سێیه‌میشی تۆمار کرد، له‌به‌رامبه‌ردا میلان توانیان دوو گۆل له‌ رێگای یاریزان زلاتان ئیبراهیمۆڤیج له‌ خوله‌که‌کانی شه‌ست و دوو شه‌ست و حه‌وت تۆمار بکه‌ن و جیاوازیه‌که‌ بۆ یه‌ک گۆل که‌م بکه‌نه‌وه‌ ، به‌لام دۆشان فلاهۆڤیتش گه‌رایه‌وه‌و له‌ خوله‌کی هه‌شتاو پێنج گۆلی دووه‌می خۆی و چواره‌می یانه‌که‌ی تۆمار کرد.

یانه‌ی ڤیۆرنتینا حه‌وته‌م بردنه‌وه‌ی له‌م وه‌رزه‌ به‌ده‌ست هێناو کۆی خاله‌کانیشی له‌پله‌ی شه‌شه‌می ریزبه‌ندی بۆ بیست و یه‌ک خال به‌رزکرده‌وه‌ یانه‌ی میلانیش تووشی یه‌که‌م دۆراندن هات و به‌ سیو دوو خاڵ له‌ پله‌ی دووه‌می ریزبه‌ندی مایه‌وه‌ .