له بۆندس لیگادا بڕوسیا دۆرتمۆند سه‌رکه‌وتنی به‌سه‌ر شتوتگارت تۆمارکرد
یانه‌ی بروسیا دۆرتمۆند سه‌رکه‌وتنێکی گرنگی له هه‌فته‌ی دوازده‌می خولی یانه‌کانی ئه‌ڵمانیا به‌ده‌ستهێناو به دوو گۆڵ به‌رامبه‌ر به گۆڵێک له یانه‌ی شتوتگارتی میوانی برده‌وه.
له گێمی یه‌که‌مدا، هه‌ردوو تیپ بێ گۆڵ یه‌کسان بوون. له گێمی دووه‌م و له خوله‌کی په‌نجاوشه‌شدا، هێرشبه‌ری هۆڵه‌ندی، دۆنیایل مالین گۆڵێکی بۆ دۆرتمۆند تۆمارکرد، پاشان یاریزان ڕۆبێرتۆ ماسیمۆ گۆڵی به‌رامبه‌ری شتوتگارتی له خوله‌کی شه‌ستوسێ به‌ده‌ستهێناو ئه‌نجامه‌که‌ی یه‌کسانکرده‌وه.
له خوله‌کی هه‌شتاوپێنجیشدا، مارکۆ ڕیۆس ئه‌ستێره‌ی دۆرتمۆند سوودى له ده‌رفه‌تێک بینی و گۆڵی دووه‌م و بردنه‌وه‌ی تیپه‌که‌ی تۆمارکردو سێ خاڵی به‌نرخی بۆ زه‌رده‌واڵه‌کان مسۆگه‌رکرد.
به‌م بردنه‌وه‌ش کۆی خاڵه‌کانی دۆرتمۆند له پله‌ی دووه‌می ڕیزبه‌ندی بۆندسلیگا بۆ بیست وحه‌وت خاڵ به‌رزبووه‌وه‌و به جیاوازی ته‌نها خاڵێک له دوای بایرن میونشنی پێشه‌نگ دێت، شتوتگارتیش سێیه‌م یاری له‌سه‌ریه‌کی دۆڕاندو به ده خاڵ له پله‌ی شازده‌می ڕیزبه‌ند مایه‌وه.
