ئێران گەییشتە قۆناغی کۆتایی باڵەی کەناراویی پاڵەوانەتیی ئاسیا
تشرینی دووه‌م 26, 2021 15:44 Asia/Tehran
تیپی نیشتیمانیی باڵەی کەناراویی ئێران بە بەزاندنی کازاخستان گەییشتە قۆتاغی کۆتایی کێبەرکێکانی پاڵەوانەتیی پیاوانی ئاسیا.
بە پێی ڕاپۆرتی ھەواڵدەریی خوێندکارانی ئێران «ئیسنا»، قۆناغی پێش کۆتایی کێبەرکێکانی باڵەی کەناراویی پیاوانی ئاسیا ئەمڕۆ ھەینی بە دوو ڕوو بەڕوو بوونەوە لە «پوکێت»ی تایلەند بەردەوام کراو تیپی نیشتیمانیی باڵەی کەناراویی ئێران لەم قۆناغەدا دووبەڕووی کازاخستان بووەوەو دوو بە سیفر ئەو تیپەی بەزاند.
یاریزانانی نیشتیمانیی ئێران بە خاڵگەلی ٢١ لە بەرامبەر ١٢ و ھەروەھا ٢١ لە بەرامبەر ١٤ کازاخستانیان شکست پێ ھێناو گەییشتنە قۆناغی کۆتایی یارییەکان.
تیپی نیشتیمانیی باڵەی کەناراویی ئێران لە قۆناغی کۆتایی ئەم یارییانە بەرەوڕووی سەرکەوتووی یارییەکانی قەتەرو ئۆسترالیا دەبێتەوە.
