مەلەوانێکی نابینای ئەفغانی پلەی پاڵەوانەتیی دەست خست
کانونی یه‌که‌م 14, 2021 15:18 Asia/Tehran
وەرزشوانی نابینای ئەفغانی لە کێبەرکێکانی مەلەی لەندەن پلەی سێھەمی مسۆگەر کرد.
بە پێی ڕاپۆرتی تولوع نیوز، «وەلی موحەممەد نوری» ئەمڕۆ سێ شەممە لە کێبەرکێکانی مەلەی لەندەن لە نێوان سەد وەرزشوان دا لە مەودایەکی ٥٠ مەتری دا بە مەلەکردن ڕەچەی ٥٩ چرکەی تۆمار کردو پلەی سێھەمی دەست خست.
«وەلی موحەممەد نوری» وەرزشوانی ئەفغانی دە ساڵ لەمەبەر بینایی خۆی لە بەر تەقینەوەی مین لە ھیلمەنددا لە دەست دا.
ئەوەی جێگای سەرنجە ئەمەیە کە بواری سەرەکیی وەرزشی «وەلی موحەممەد نوری» ڕاکردنی مەیدانییەو ناوبراو بەرلەمە لە کێبەرکێکانی ڕاکردنی مەیدانی دا لە ئەفغانستان، لە ململانێ لەگەڵ کەسانی ساغ و سەلیم دا میدالیای برد بووەوە.
