بۆندس لیگا : بروسیا دۆرتمۆند سه‌رکه‌وتنی به‌سه‌ر شتوتگارت تۆمارکرد
له‌خولی یانه‌کانی ئه‌لمانیا ناسراو به بۆندس لیگا یانه‌ی بروسیا دۆرتمۆند دوای ئه‌وه‌ی له دوو یاری رابردوو تووشی دۆراندن هاتبوو له ده‌رگای یانه‌ی شتوتگارده‌وه به‌سه‌رکه‌وتن شاد بوه‌وه.
له میانی ده‌ستپێکی گه‌ری بیست و نۆیه‌مینی خولی یانه‌کانی ئه‌لمانیا یانه‌ی بروسیا دۆرتمۆند له ده‌ره‌وه‌ی یاریگای خۆی به دوو گۆلی بێ به‌رامبه‌ر له یانه‌ی شتوتگارتی میوانداری برده‌وه، یاریه‌که له‌سه‌ر یاریگای مرسیدی بێنز ئه‌رینا به‌رێوه چوو .
له گێمی یه‌که‌م میوانه‌کان به گۆلێک پێشکه‌وتن گۆله‌که‌ش له خوله‌کی دوازده له‌لایه‌ن یاریزان جۆلیان براندت تۆمار کرا .
له گێمی دووه‌م و له خوله‌کی حه‌فتاو یه‌ک هه‌مان یاریزان جۆلیان براندت گۆلی دووه‌می خۆی یانه‌که‌ی تۆمار کردو بروسیا دۆرتمۆند سه‌رکه‌وتنی به‌ده‌ست هێناو به کۆکردنه‌وه‌ی شه‌ست خال له پله‌ی دووه‌می ریزبه‌ندی دیت ، یانه‌ی شتوتگارتیش تووشی چوارده‌هه‌مین دۆراندن هات و خاوه‌نی بیستو حه‌وت خاله‌و له پله‌ی پازده‌می ریزبه‌ندی دێت و مه‌ترسی دابه‌زینیشی بۆ ریزی یانه پله دووه‌کانی ئه‌لمانیای له‌سه‌ره .
