خانمە تەکواندۆکاری کورد مەدالیای برۆنزی ئۆلەمپیکی ھاوینەی بەرازیلی بردەوە
بەڕێوەبەری گشتیی وەرزش و لاوانی پارێزگەی کوردستان گوتی : نەسیبە شەھبازی خانمە تەکواندۆکاری کورد توانی نیشانی برۆنزی ئۆلەمپیکی ھاوینەی نابیسیارانی جیھان لە وڵاتی بەرازیل بباتەوە .
حامید جەولایی گوتی : حەتەمین رۆژ لە یاریەکانی ئۆلەمپیکی نابیسییاران لە شاری کاشیاس دوسولی بەرازیل بەڕێوەچوو و چوار تەکواندۆکار لە کێشی جیاجیا رووبەڕووی خەنیمان بوونەوە .
وتیشی نەسیبە شەھبازی خانمە وەرزشکاری کورد لە کێشی ژێر 67 کیلۆدا لە خەبات لە گەڵ تەکواندۆکاری کۆریایی لە خاڵی زێڕین دا دۆڕاندی . لە پاشان بۆ مەدالی برۆنز رووبەڕووی وەرزشکاری ھندی بووە و توانی خەنیمەکەی بە ئەنجامی 48 بە سفر ببەزێنێ و بە مەدالی برۆنز بگات .
بیست و چوارەمین دەورەی یاریەکانی ئۆلەمپیکی ھاوینەی 2021 نابیسیاران بە بەشداریی زیاتر لە 4 ھەزار وەرزشکار لە 80 وڵاتی جیھان لە بەرازیل بڕێوەدەچێ و تا 25 ی مانگی گوڵان درێژەی ھەیە .
