لێکگەییننامەی ھاوکاریی فیدراسیۆنەکانی تێکواندۆی ئێران و عێراق بە مەبەستی بەرنامەی فێرکاری، ئامادە بوون لە ئۆردووەکان و بەرنامەی پرۆڤەی ھاوبەش و بەشداری کردن لە تۆڕنۆمێنتەکان واژۆ کرا.

بەرپاکرانی خولەکانی ڕاھێنەران و داوەران، پرۆڤەی ھاوبەشی تیپە نیشتیمانییەکان، پێکھێنانی بەستێنی لەبار لە بەشی «پۆمسە» بە کەڵک وەرگرتن لە ڕاھێنەری ئێرانی لە تیپی نیشتیمانیی عێراق، بەشداری لە تۆڕنۆمێنتەکانی ھەردووک وڵات و ئامادە بوونی تێکواندۆکاران و ڕاھێنەرانی عێراقی لە خولەکانی «کوکی وان» بە ناوەندایەتیی ئێران لەو بڕگە گرینگانەی ئەم لێکگەییننامەیە بوون.

بە پێی ڕاپۆرتی ئیرنا، لێکگەییننامەی ھاوکاریی فیدراسیۆنی تێکواندۆی ئێران و عێراق، بە ئامادە بوونی ھادی ساعی سەرۆکی فیدراسیۆنی تێکواندۆی ئێران، ئیبراھیم جەببار سەرۆکی فیدراسیۆنی تێکواندۆی عێراق، کەیکاووس سەعیدی سکرتێری لێژنەی نیشتیمانیی ئۆلەمپیکی ئێران، ئەسغەر ڕەحیمی بەڕێوەبەری تەکنبکیی تیپە نیشتیمانییەکان، ئەحمەد قاسم و حەسەن عەبباس جێگری سەرۆک و ئەندامی سەرەکیی فیدراسیۆنی عێراق و موحەممەدڕەزا یاری گەورە ڕاھێنەری تیپە نیشتیمانییەکانی عێراق بە مەبەستی بەرز کردنەوەی ئاستی ھاوکاری لە بەرنامە ھاوبەشەکان و کێبەرکێکان واژۆ کرا.